June 2010

கர்ப்பிணிப் பெண்கள் மீன் வகை உணவுகளை சாப்பிட்டால், பிறக்கும் குழந்தைகளின் மூளை வளர்ச்சி நன்றாக இருக்கும் என, மருத்துவ ஆய்வில் தெரிய வந்துள்ளது.

இங்கிலாந்து நாட்டின் மெட்ரோ பாலிட்டன் பல்கலைக்கழகம் மற்றும் அமெரிக்காவின் தேசிய நலவாழ்வு மையமும் இணைந்து, கர்ப்பிணிப் பெண்கள் குறித்து ஆய்வை மேற்கொண்டன. இதற்காக 11 ஆயிரத்து 875 கர்ப்பிணிப் பெண்களிடம் ஆய்வு நடத்தப்பட்டது.இதன் முடிவில், மீன் வகை உணவுகளை அதிகம் சாப்பிட்டால், கர்ப்பிணிகளுக்கு பிறக்கும் குழந்தைகள் அதிக மூளை வளர்ச்சியுடனும், மூளை சம்பந்தமான நோய்கள் தாக்காமலும் இருக்கும் என்றும் கண்டறியப்பட்டுள்ளது.

கடலூர் மாவட்டம் பரங்கிப்பேட்டையில் இந்திய தவ்ஹீத் ஜமாஅத் சார்பில் இலவச தண்ணீர் பந்தல் கடந்த 05.06.2010 அன்று துவங்கப்பட்டது.

 இந்நிகழ்ச்சியினை இஸ்லாமிய ஐக்கிய ஜமாஅத் தலைவர் முஹம்மத் யூனுஸ் பொது மக்களுக்கு குளிர்ந்த மோரை  வழங்கி துவக்கி வைத்தார். மேலும் மாவட்ட துணை தலைவர் ஹமீது கவுஸ், கிளை  தலைவர் சுல்தான் அப்துல் காதர், மீ மே. இப்ராஹீம் மற்றும் அனைத்து நிர்வாகிகளும் கலந்து கொண்டு நிகழ்ச்சியை சிறப்பித்தனர்.

இராமநாதபுரம் மாவட்டம் கீழக்கரையை அடுத்துள்ள ஏர்வாடியில் இஸ்லாமிய பொதுக்கூட்டம் 15.06.2010 அன்று மாலை 6 மணிக்கு இந்திய தவ்ஹீத் ஜமாஅத் சார்பாக நடைபெற்றது.

நிகழ்ச்சியினை மாவட்டத் தலைவர் முஸம்மில்ஹார் துவங்கி வைத்தார். அமீரக ஒருங்கிணைப்பாளர் கீழை ஜமீல் “மரணத்தின் சிந்தனை” என்ற தலைப்பிலும் மாநில இஸ்லாமிய அழைப்பாளர் மவ்லவி நிழாமுதீன் அஸ்ரஃபி “ஓரிறைக் கொள்கை” என்ற தலைப்பிலும் சிறப்புரையாற்றினார்கள்.

இராமநாதபுரம் கீழக்கரையில் கடந்த 18.06.2010 வெள்ளிக் கிழமை ஜும்ஆ பேரூரை  கே.ஈ.ஸி.டி தொழுகை கூடத்தில் இந்திய தவ்ஹீத் ஜமாஅத் அமீரக ஒருங்கிணைப்பாளர் கீழை ஜமீல் முஹம்மது “சிறந்த கல்வி எது? அதன் அவசியம் என்ன?” என்ற தலைப்பில் உரையாற்றினார்.