ஜெரூசலத்தை மீட்பதற்காய் அரபு, இஸ்லாமிய நாடுகள் பெருமளவு நிதியுதவியளிக்க முன்வரவேண்டும்: ஜமால் அல் குத்ரி

கடந்த ஞாயிற்றுக்கிழமை (06.12.2009) ஜெரூசலத்துக்கு ஆதரவளிக்குமுகமாக இஸ்லாமியப் பல்கலைக்கழகத்தினால் ஒழுங்குசெய்யப்பட்டிருந்த பேரணியில் கலந்துகொண்டு உரையாற்றிய அவர், தீவிர ஸியோனிஸமயமாக்கல் திட்டத்தின் மிகப் பிரதான இலக்காகப்  புனித ஜெரூசல நகரம் அமைந்துள்ளது என்று எச்சரித்துள்ளார்.

அந்த இலக்கினை அடைவதற்காக இஸ்ரேலிய ஆக்கிரமிப்பு அதிகாரசபை எந்த எல்லைக்கும் போகத் தயங்காது என்று அவர் அறிவுறுத்தினார்.

அவர் மேலும் குறிப்பிடுகையில், ஸியோனிஸ அத்துமீறல் ஆக்கிரமிப்பிலிருந்து ஜெரூசலத்தைப் பாதுகாப்பதற்காய் அரபு, இஸ்லாமிய, சர்வதேச மட்டத்தில் உரிய முன்னெடுப்புகளை மேற்கொள்வது தொடர்பில் கவனம் செலுத்தவேண்டியது இன்றியமையாததாகும் என்று வலியுறுத்தினார்.

ஜமால் அல் குத்ரி அவர்கள் ஜெரூசலத்தையும் மஸ்ஜித் அல் அக்ஸாவையும்  ஸியோனிஸமயமாக்கலில் இருந்து பாதுகாக்குமுகமாக பல்வேறு அமைதிப் பேரணிகளை தொடர்ந்து மேற்கொண்டுவருகின்றார் என்பது குறிப்பிடத்தக்கது.

நன்றி: PIC