சென்னையில் உள்துறை அமைச்சர் பா,சிதம்பரத்தின் வீட்டிற்கு முன்பாக ஆர்பாட்டம் ஆயிரக்கணக்கானனோர் கைது

காவி கும்பல்களால் தரைமட்டம் ஆக்கப்பட்ட பாபரி மஸ்ஜித்தை திரும்ப ஒப்படைக்க கோரியும், குற்றவாளிகளை கைது செய்ய கோரியும், இந்திய உள்துறை அமைச்சர் பா.சிதம்பரத்தின் வீட்டினை இன்று ( டிஸம்பர் 6) காலை 10 மணியளவில்  நம் இந்திய தவ்ஹீத் ஜமாஅத்தைச் சேர்ந்த  சகோதர, சகோதரிகள் மற்றும் மாநில தலைவர்கள் உட்பட ஆயிரக்கணக்கனோர் முற்றுகையிட்டனர்.  அல்ஹம்துலில்லாஹ். அல்லாஹ்விற்கே எல்லா புகழும்.

நூற்றுக்கணக்கான மக்கள் வருவார்கள். கோஷம் போட்டு விட்டு போய் விடுவார்கள் என்றிருந்த காவல்துறைக்கு, அரசிற்கு எதிரான கோஷங்களால் ஆர்பரிக்கும் மக்கள் வெள்ளத்தை கண்டு காவல்துறை ஸ்தம்பித்தது. அதிலும் கட்டுக்கடங்காத பெண்கள் கூட்டத்தைக் கண்டு காவல்துறை கைது செய்ய தொடங்கி உள்ளது.

டைம்ஸ் தொலைக்காட்சி நேரடி ஒளிப்பரப்பு செய்துக் கொண்டு இருக்கிறது. மற்ற செய்தி நிறுவனங்கள் செய்திகளை சேகரித்துக் கொண்டு இருக்கின்றன.

உள்துறை அமைச்சரின் சொந்த ஊரான காரைக்குடி கண்டலூர் உட்பட  மாநிலத்தின் மற்ற பகுதிகளிலும் ஆர்ப்பாட்டங்கள் நடைபெற்றுக் கொண்டு இருக்கின்றன. இன்ஷா அல்லாஹ் படங்களுடன் முழு விபரம் வெளியிடப்படும். விண் தொலைக்காட்சியில் செய்தியில் ஒளிபரப்பப்படும்.