இராமநாதபுரத்தில் இலவச நோட் புத்தகங்கள் விநியோகம்

மாமறை குர்ஆன் வலியுறுத்தும் பிரகாரம் தனது சமூகப் பணியினை சிறப்புடன் செய்து வரும் நம் இந்திய தவ்ஹீத் ஜமாஅத்தின் இராமநாதபுரம் மாவட்டக் கிளை சார்பாக ஏழை மாணவர்களுக்கு நோட் புத்தகங்கள் வழங்கும் நிகழ்ச்சி 17.06.2010 அன்று இராமநாதபுரத்தில் நடைபெற்றது.

நிகழ்ச்சிக்கு மாவட்டத் தலைவர் முஸம்மில்ஹார் தலைமை தாங்கினார். மாவட்டப் பொருளாளர் ஹாஜா, துணைச் செயலாளர் ரைஸுதீன் ஆகியோர் முன்னிலை வகித்தனர்.

அமீரக ஒருங்கிணைப்பாளர் கீழை ஜமீல் முஹம்மது, சிறந்த கல்வியின் அவசியம் குறித்து விளக்கினார்.

அதன் பின்னர் மாணவர்களுக்கு நோட் புத்தகங்களை வழங்கினார். அவருடன் ஷார்ஜா மண்டல பொருப்பாளர் கமால் நாஸர், கீழக்கரை நகர் நிர்வாகிகள் நியாஸ், முஸம்மில் மற்றும் மனித நேய மக்கள் கட்சியின் இராமநாதபுரம் மாவட்ட துணைச் செயலாளர் வழக்கறிஞர் பாலா, திமுக இளைஞர் அணிச் செயலாளர் மரைக்கா ஆகியோரும் மாணவர்களுக்கு நோட் புத்தகங்களை வழங்கினர்.

நோட் புத்தகங்கள், பேனா, பென்சில்களை பெற்றக் கொண்ட பாரி வள்ளல் நடுநிலைப் பள்ளி துணை தலைமையாசிரியர் இந்திய தவ்ஹீத் ஜமாஅத் நிர்வாகிகளுக்கு நன்றி தெரிவித்தார்.